Rusiyada xəstəxanada məktəblinin İİV-ə yoluxması ilə bağlı cinayət işi açılıb
Rusiyanın Rostov vilayətində məktəbli qızın xəstəxanada İİV-ə yoluxduğu iddiası ilə bağlı cinayət işi başlanıb.
Crossmedia.az xəbər verir ki, "RIA Novosti" bu barədə məlumat yayıb.
Rostov vilayətinin Səhiyyə Nazirliyindən bildirilib ki, uşağa hazırda zəruri tibbi yardım və psixoloji dəstək göstərilir.
Rusiya KİV-lərinin məlumatına görə, məktəbli qız Azov şəhər xəstəxanasında bağırsaq infeksiyası səbəbindən müalicə alarkən İİV və hepatit C virusuna yoluxub.
Məsələ ictimailəşdirildikdən sonra prokurorluq hadisə ilə bağlı araşdırmaya başlayıb. Hüquq-mühafizə orqanları fakt üzrə cinayət işi açaraq istintaq aparır.
Hadisənin dəqiq başvermə səbəbləri və yoluxmanın hansı şəraitdə baş verdiyi araşdırmanın nəticəsindən sonra məlum olacaq.
16:18 03.08.2026
Oxunuş sayı: 52
