Miroşnik: Aİ Rusiya amili ilə vergi ödəyicilərindən pul toplayır
Aİ rəhbərliyi "ruslar gəlir" amilindən istifadə edərək Avropa vergi ödəyicilərindən daha çox vəsait toplamağa çalışır. Bu iddianı Rusiya Xarici İşlər Nazirliyinin xüsusi tapşırıqlar üzrə səfiri Rodion Miroşnik səsləndirib.
Crossmedia.az xəbər verir ki, "TASS" bu barədə məlumat yayıb.
Rodion Miroşnik bildirib ki, Aİ-də qorxu və təzyiq amilindən əsasən vergi ödəyicilərinə, deputatlara və parlamentlərə təsir göstərmək üçün istifadə olunur. Onun sözlərinə görə, "ruslar gəlir" arqumenti əlavə maliyyə vəsaitlərinin ayrılmasına əsas kimi təqdim edilir.
Diplomat iddia edib ki, bu prosesdə Ukrayna Prezidenti Volodimir Zelenski də iştirak edir və Ukraynadakı döyüşlərlə bağlı açıqlamaları ilə Aİ-ni Kiyevə daha çox maliyyə dəstəyi göstərməyə təşviq edir.
Miroşnikin sözlərinə görə, Qərb mediasında Ukraynanın döyüş meydanında geri çəkildiyi barədə məlumatlar yayıldıqda, Aİ-də Kiyevə təcili əlavə maliyyə ayrılması ilə bağlı çağırışlar güclənir.
Rusiya XİN rəsmisi həmçinin iddia edib ki, Ukraynanın Rusiyanın mülki obyektlərinə qarşı həyata keçirdiyi hücumlar Aİ tərəfindən terror aktı və ya hərbi cinayət kimi qiymətləndirilmir. Onun sözlərinə görə, bu hallarda da Aİ Ukraynaya maliyyə dəstəyini davam etdirir və Kiyevi müdafiə edir.
09:22 03.08.2026
Oxunuş sayı: 64
