Türkiyədə meşə yanğınları ilə bağlı 6 nəfər həbs edilib
Türkiyədə meşə yanğınları ilə əlaqədar aparılan istintaq çərçivəsində azı 6 nəfər həbs olunub.
Crossmedia.az xəbər verir ki, "RIA Novosti" bu barədə Türkiyənin ədliyyə naziri Akın Gürlekin açıqlamasına istinadən məlumat yayıb.
Nazirin sözlərinə görə, iyunun 1-dən etibarən ölkənin 16 vilayətində baş vermiş 44 meşə yanğını ilə bağlı araşdırmalar davam edir.
Akın Gürlek bildirib ki, istintaq zamanı ümumilikdə 29 şübhəli müəyyən edilib. Onlardan 6 nəfər barəsində həbs qətimkan tədbiri seçilib, daha 9 nəfər isə ölkədən çıxmamaq şərti ilə sərbəst buraxılıb.
Nazir qəsdən və ya ehtiyatsızlıqdan meşə yanğınlarına səbəb olan bütün şəxslərin qanun qarşısında cavab verəcəyini vurğulayıb.
18:11 02.08.2026
Oxunuş sayı: 72
