Xarici xəbərlər
Aİ İspaniyaya qarşı sərhəd nəzarəti tədbirlərini müzakirə edir
Avropa İttifaqında İspaniyadakı miqrasiya vəziyyəti ilə bağlı narazılıqlar artır. Bir sıra ölkələr ölkənin Şengen zonasındakı üzvlüyünün müvəqqəti dayandırıla biləcəyini istisna etməyib.
Crossmedia.az xəbər verir ki, “TASS” bu barədə məlumat yayıb.
Məlumata görə, İspaniyanın Afrikanın şimal sahillərində yerləşən muxtar Seuta şəhərinə təxminən 60 min miqrantın daxil olması Avropa İttifaqında yeni miqrasiya böhranına səbəb olub. Hadisə zamanı ən azı 57 miqrantın həlak olduğu bildirilir.
İtaliya hökuməti Seutadakı vəziyyətə sərt reaksiya verib. İtaliyanın Baş naziri Corca Meloni bildirib ki, nəzarətsiz qeyri-qanuni miqrasiya Avropanın sərhəd təhlükəsizliyi üçün ciddi təhdid yaradır.
Meloni qeyd edib ki, sərhədlərin qorunması üçün fövqəladə tədbirlər, o cümlədən İspaniya ilə bağlı Şengen zonasının fəaliyyətinin dayandırılması variantı nəzərdən keçirilə bilər. Onun mövqeyini İtaliyanın xarici işlər naziri Antonio Tayanidə dəstəkləyib.
Avstriya da bu məsələdə mövqeyini açıqlayıb. Ölkənin federal kansleri Kristian Ştoker bildirib ki, İspaniyadakı vəziyyət digər ölkələrin sərhədlərinə təzyiq yaradarsa, Şengen çərçivəsində sərhədlərin müvəqqəti bağlanması da daxil olmaqla bütün mümkün tədbirlər görülə bilər.
00:30 03.08.2026
Oxunuş sayı: 50
