ISW: Rusiya ordusu iyulda əvvəlki illə müqayisədə daha az irəliləyib, lakin itkiləri rekord həddə çatıb
Rusiya qüvvələri 2026-cı ilin iyul ayında Ukraynada əvvəlki ilin eyni dövrü ilə müqayisədə daha az ərazi ələ keçirib, lakin bu müddətdə rekord sayda itki verib.
Crossmedia.az xəbər verir ki, Müharibənin Öyrənilməsi İnstitutu (ISW) bu barədə məlumat yayıb.
ISW-nin məlumatına görə, Rusiya ordusu iyul ayı ərzində təxminən 122 kvadratkilometr Ukrayna ərazisinə nəzarəti ələ keçirib. Müqayisə üçün, 2025-ci ilin iyulunda bu göstərici təxminən 456 kvadratkilometr olub.
Ukrayna Silahlı Qüvvələrinin Baş Qərargahının məlumatlarına əsasən, 2026-cı ilin iyul ayı Rusiya ordusu üçün ilin ən ağır ayı olub. Bildirilib ki, həmin ay ərzində Rusiya qüvvələrinin itkiləri 42 860 hərbçi təşkil edib ki, bu da genişmiqyaslı müharibə başlayandan bəri ən yüksək aylıq göstəricidir.
ISW analitikləri həmçinin qeyd ediblər ki, Rusiya qüvvələri Konstantinovka istiqamətində irəliləmək cəhdlərini artırıb. Lakin hücumlar nəticəsində şəhəri ələ keçirə və ya əməliyyat baxımından əhəmiyyətli nəticə əldə edə bilməyiblər.
16:42 02.08.2026
Oxunuş sayı: 57
