Zelenski: Rusiya bir həftə ərzində Ukraynaya 1900-dən çox dron və 144 raket atıb
Ukrayna Prezidenti Volodimir Zelenski Rusiyanın son bir həftə ərzində Ukrayna ərazisinə minlərlə pilotsuz uçuş aparatı, aviasiya bombası və raket buraxdığını açıqlayıb.
Crossmedia.az xəbər verir ki, Ukrayna Prezidentinin rəsmi “X” hesabı bu barədə məlumat yayıb.
Zelenskinin sözlərinə görə, bu müddət ərzində Rusiyanın hücumları nəticəsində Ukraynanın 16 bölgəsi hədəfə alınıb. O bildirib ki, rus qüvvələri təxminən 1900 dron, 1600-ə yaxın idarəolunan aviasiya bombası və müxtəlif tipli 144 raketdən istifadə edib.
Ukrayna Prezidenti qeyd edib ki, hücumların miqyası Rusiyanın uzaqmənzilli silah istehsalını artırmağa çalışdığını göstərir.
16:14 02.08.2026
Oxunuş sayı: 65
