Rusiya MN: Bir sutkada Ukraynanın 1415 hərbçisi zərərsizləşdirilib
Rusiya Müdafiə Nazirliyi son sutka ərzində Ukraynadakı hərbi əməliyyatlarla bağlı yeni məlumat yayıb.
Crossmedia.az xəbər verir ki, “Tass” bu barədə Rusiya Müdafiə Nazirliyinin brifinqinə istinadən məlumat yayıb.
Bildirilib ki, Rusiya Silahlı Qüvvələri son sutka ərzində Ukrayna Silahlı Qüvvələrinin maraqları üçün istifadə olunan nəqliyyat və enerji infrastrukturu obyektlərinə, həmçinin logistika mərkəzlərinə zərbələr endirib.
Məlumata görə, Rusiya qoşun qruplaşmalarının məsuliyyət zonalarında Ukrayna Silahlı Qüvvələri son sutkada ümumilikdə təxminən 1415 hərbçi itirib.
Brifinqdə qeyd olunub ki, Rusiya hava hücumundan müdafiə vasitələri son 24 saat ərzində 6 idarəolunan aviasiya bombasını, “HIMARS” reaktiv yaylım atəş sisteminin bir raketini və təyyarə tipli 1158 pilotsuz uçuş aparatını vurub.
14:39 02.08.2026
Oxunuş sayı: 74
