Xarici xəbərlər

İspaniyadan Aİ-yə sərt mesaj: Bu qədər eqoistlik olmaz

İspaniyanın Baş naziri Pedro Sançes İspaniyanın Şimali Afrikadakı Seuta anklavında yaranan miqrasiya böhranı ilə bağlı bəzi Avropa İttifaqı (Aİ) ölkələrini tənqid edib.

Crossmedia.az bu barədə xarici mediaya istinadən xəbər verir.

Sançes Aİ liderlərinə ünvanladığı məktubda hazırkı beynəlxalq vəziyyətdə Aİ-nin bu qədər eqoist, qütbləşdirici və hüquqa zidd reaksiyaya yol verə bilməyəcəyini bildirib. O, 27 üzv dövlətin daxili işlər nazirlərinin təcili görüşünün keçirilməsinə çağırıb.

İspaniyanın daxili işlər naziri Fernando Qrande-Marlaska bildirib ki, Mərakeşlə Seuta arasındakı sərhədi keçməyə cəhd edən miqrantlardan ən azı 67 nəfər həlak olub.

Məlumata görə, daha əvvəl kütləvi şəkildə Seutaya daxil olan miqrantların əksəriyyəti şənbə gününə qədər Mərakeşə qayıdıb. Hakimiyyət orqanlarının məlumatına əsasən, on minlərlə insan sərhədi keçib. Onların bir çoxu sərhəd maneələrindən yan keçərək dəniz yolu ilə Seutaya çatmağa çalışıb.

Bununla yanaşı, Aİ-nin 27 üzv dövlətindən 22-si daxili işlər nazirlərinin təcili videokonfransının keçirilməsi təşəbbüsü ilə çıxış edib. Birgə məktubda böhrana koordinasiyalı cavab hazırlanması və sərhədin yeni nəzarətsiz keçidlərinin qarşısının alınması üçün tədbirlər görülməsi tələb olunub.

🖨 Çap et

20:40 01.08.2026

Oxunuş sayı: 50