Tailandda iki gənc rusiyalının qətli: qəbiristanlıqda qazılan çuxurlar və meşədə təqib
Tailandın Pattaya şəhərində bir neçə gün davam edən axtarışlardan sonra itkin düşən iki Rusiya vətəndaşının qətlə yetirildiyi məlum olub.
Crossmedia.az xəbər verir ki, iyulun 27-də Pattaya polisi 22 yaşlı Diana Nazimova və 17 yaşlı qardaşının itkin düşməsi ilə bağlı araşdırmaya başlayıb. Onların anasının sözlərinə görə, bacı-qardaş iyulun 26-sı səhər tezdən motosikletlə evdən çıxıb və bir daha əlaqə saxlamayıblar.
İtkin düşənlərin axtarışına həm polis, həm də Pattayada yaşayan Rusiya vətəndaşları cəlb olunub. Rusiya səfirliyi də Tailand hakimiyyəti ilə əlaqə saxladığını bildirib.
Davam edən istintaq zamanı polis əsas şübhəli kimi 43 yaşlı Tailand vətəndaşı Tan Kıttxonqu (Ponq) müəyyən edib. Şahidlərin ifadələrinə əsasən, onun yaşadığı ərazinin yaxınlığındakı köhnə qəbiristanlıqda naməlum şəxslərin torpaq qazdığı barədə məlumat daxil olub.
Axtarışlar zamanı itkin düşənlərə məxsus motosiklet hissələrə ayrılmış vəziyyətdə tapılıb. Motosikletin detallarının iki ayrı çuxurda basdırıldığı müəyyən edilib. Ərazidə kriminalistlər, kinoloqlar və dalğıclar sübutların toplanması üçün əməliyyat keçiriblər.
00:30 02.08.2026
Oxunuş sayı: 45
