Ukrayna ordusu Kiyevə zərbə zamanı yalnız bir ballistik raketi vurub – Zelenski
Ukrayna Prezidenti Volodimir Zelenski bildirib ki, Ukraynanın hava hücumundan müdafiə sistemi ötən gecə Rusiya ordusunun Kiyevə endirdiyi kütləvi zərbə zamanı yalnız bir ballistik raketi məhv edə bilib.
Crossmedia.az xəbər verir ki, Ukrayna Prezidenti Volodimir Zelenski bu barədə açıqlama yayıb.
Zelenskinin sözlərinə görə, hücum zamanı Ukraynanın hava hücumundan müdafiə imkanları kifayət qədər olmayıb və ölkənin əsas çatışmazlıqlarından biri raket əleyhinə müdafiə sistemləri üçün ələkeçirici raketlərin azlığıdır.
Ukrayna lideri hava hücumundan müdafiənin gücləndirilməsinin vacibliyini vurğulayıb və müttəfiqlərdən əlavə dəstək gözlədiklərini bildirib.
Qeyd edək ki, Rusiya Müdafiə Nazirliyi daha əvvəl Kiyev və Kiyev vilayətində hərbi sənaye müəssisələri və logistik mərkəzlərə zərbə endirildiyini açıqlamışdı. Münaqişə tərəfləri hücumların nəticələri ilə bağlı fərqli məlumatlar təqdim edirlər.
12:42 01.08.2026
Oxunuş sayı: 67
