Xarici xəbərlər

İngiltərədə Türkiyə vətəndaşı HƏMAS-a maliyyə dəstəyi ittihamı ilə saxlanılıb

İngiltərədə Türkiyə vətəndaşı Məhəmməd Yusif Həsna HƏMAS-a pul və avadanlıq ötürməkdə şübhəli bilinərək saxlanılıb.

Crossmedia.az xəbər verir ki, “Tasnim News” bu barədə məlumat yayıb.

Məlumata görə, İstanbul sakini olan 45 yaşlı Məhəmməd Yusif Həsna beynəlxalq humanitar təşkilatlardan birində tutduğu yüksək vəzifədən istifadə edərək HƏMAS-a maliyyə və digər resursların çatdırılmasına kömək etməkdə ittiham olunur.

ABŞ-ın Manhetten üzrə federal prokuroru Ceymi Makdonald iddia edib ki, Həsna HƏMAS-ın yüksək vəzifəli nümayəndələri ilə sıx əməkdaşlıq edib və humanitar yardım adı altında qrupa avadanlıq, ərzaq və maliyyə vəsaiti ötürülməsini təşkil edib.

Hazırda saxlanılan şəxs İngiltərədə nəzarət altında saxlanılır. Onun ABŞ-ın Nyu-York şəhərinə ekstradisiyası ilə bağlı müraciətə yaxın vaxtlarda baxılacağı gözlənilir.

🖨 Çap et

10:19 01.08.2026

Oxunuş sayı: 56