Narek Karapetyan: "Ermənistan Elektrik Şəbəkələri"ndə saxtalaşdırma problemi qalır
"Ermənistan Elektrik Şəbəkələri"nin (EŞA) keçmiş Direktorlar Şurasının sədri Narek Karapetyan şirkətdə sayğac göstəricilərinin saxtalaşdırılması probleminin hökumətin idarəçiliyi dövründə də davam etdiyini bildirib.
Crossmedia.az xəbər verir ki, "Sputnik Ermənistan" bu barədə məlumat yayıb.
Karapetyan Baş nazir Nikol Paşinyanın EŞA sahiblərinin "saxta göstəricilər hesabına vəsait toplaması" ilə bağlı açıqlamasına cavab olaraq deyib ki, bu problem onların rəhbərliyi dövründə də aşkarlanmış və onun aradan qaldırılması üçün tədbirlər görülmüşdü.
Onun sözlərinə görə, EŞA ağıllı sayğac sistemini tətbiq edib, bölgədə analoqu olmayan layihə çərçivəsində sayğac istehsalı zavodu yaradıb və 700 min abonenti bu sistemə keçirib. Bu addım şəbəkədə itkiləri və saxtalaşdırma hallarını əhəmiyyətli dərəcədə azaldıb. Lakin 300 min abonent hələ də bu sayğaclarla təmin olunmadığından problem tam həll edilməyib.
Karapetyan əlavə edib ki, onların rəhbərliyi dövründə təkcə altı ay ərzində 40-50 əməkdaş işdən çıxarılıb, 30-dan çox xidməti araşdırma aparılıb. O bildirib ki, hazırda da saxtalaşdırma halları mövcuddur və istehzalı şəkildə "əgər hökumətin məntiqi ilə yanaşsaq, onda bu vəsaitlər də hökumətin cibinə gedir?" sualını səsləndirib.
13:43 31.07.2026
Oxunuş sayı: 66
