Medvedev: Ukraynadakı münaqişə Rusiyanın qələbəsi ilə başa çatacaq
Rusiya Təhlükəsizlik Şurasının sədr müavini Dmitri Medvedev Ukraynadakı münaqişənin Rusiyanın qələbəsi ilə yekunlaşacağını bildirib.
Crossmedia.az xəbər verir ki, bu barədə "TASS" məlumat yayıb.
Medvedev Ümumrusiya Gənclər Forumu "Qvardeysk" iştirakçıları ilə görüşündə Ukrayna ilə bağlı açıqlamalar verib.
O bildirib ki, Ukrayna Silahlı Qüvvələrinin törətdiyi iddia olunan cinayətlər SSRİ-də nasistlər üzərində keçirilən məhkəmələrə bənzər şəkildə cinayət işi çərçivəsində araşdırılmalıdır.
Medvedev həmçinin qeyd edib ki, Ukraynadakı münaqişə başa çatdıqdan sonra Rusiya hərbi texnologiyaların mülki sahəyə uyğunlaşdırılması prosesini həyata keçirməlidir.
Onun sözlərinə görə, xüsusi hərbi əməliyyat zamanı itkin düşmüş hərbçilərin axtarışı uzun müddət davam edə bilər.
17:11 30.07.2026
Oxunuş sayı: 37
