Paşinyan: Ermənistan məsələsi həll olunmasa, bu, Aİİ-nin sonunun başlanğıcı olacaq
Ermənistanın Baş naziri Nikol Paşinyan bildirib ki, Ermənistanla bağlı məsələ həllini tapmasa, bu, Avrasiya İqtisadi İttifaqının (Aİİ) sonunun başlanğıcı ola bilər.
Crossmedia.az xəbər verir ki, bu barədə Ermənistan KİV-i məlumat yayıb.
Paşinyanın sözlərinə görə, Aİİ hazırda faktiki olaraq iflic vəziyyətindədir və normal fəaliyyət göstərmir. O vurğulayıb ki, bu, təkcə Ermənistanın deyil, bütövlükdə ittifaqın problemidir.
Baş nazir qeyd edib ki, İrəvanın Aİİ-dən çıxmaq planı yoxdur. Bununla belə, Ermənistanın öz alternativlərini formalaşdırmaq üçün qanuni hüququnun olduğunu bildirib və bu barədə Rusiya Prezidenti Vladimir Putinlə də danışdığını deyib.
“Ermənistan bu yolla irəliləyəcək. Seçkiqabağı dövrdə də demişdim ki, ölkəmiz alternativsiz vəziyyətdə qalmamalıdır. Alternativsiz əsr artıq geridə qalıb”, – deyə Paşinyan bildirib.
O, həmçinin Aİİ üzvlərinin Ermənistanla bağlı qəbul etdiyi bəyanatı “İrəvanın gündəliyinin qəbul edilməsi” kimi qiymətləndirib. Paşinyan qeyd edib ki, Ermənistanın Avropa İttifaqına üzvlüklə bağlı hər hansı memorandumun müzakirəsi üçün əvvəlcə rəsmi müraciət etməsi lazımdır.
17:54 29.07.2026
Oxunuş sayı: 36
