Özbəkistan Prezidenti Səmərqənddə TDT XİN və xüsusi xidmət orqanları rəhbərlərinin toplantısını keçirməyi təklif edib
Biz Türk Dövlətləri Təşkilatına üzv ölkələrin xarici işlər nazirləri və xüsusi xidmət orqanlarının rəhbərlərinin ilk toplantısını Səmərqənddə keçirməyi təklif edirik.
Crossmedia.az xəbər verir ki, bunu Özbəkistan Prezidenti Şavkat Mirziyoyev Qəbələdə keçirilən Türk Dövlətləri Təşkilatının Dövlət Başçıları Şurasının 12-ci Zirvə Görüşündə deyib.
“Biz fəaliyyətin bütün istiqamətlərini və qarşılıqlı əməkdaşlığın bütün formalarını dəstəkləyirik. Hesab edirəm ki, Türk Dövlətləri Təşkilatına üzv ölkələrin xarici işlər nazirlərinin, diplomatik xidmət rəhbərlərinin və kəşfiyyat orqanları rəhbərlərinin müntəzəm birgə görüşlərinin keçirilməsi qlobal vəziyyətin dərindən təhlili və zəruri qərarların qəbul edilməsi baxımından zamanın tələbidir”, - deyə Özbəkistan Prezidenti bildirib.
“Təşkilatımızın rolunun və səlahiyyətlərinin gücləndirilməsi, eləcə də yaxın gələcəkdə onun effektiv əməkdaşlıq platforması kimi möhkəmlənməsi bizim əsas prioritet vəzifəmizdir”, - Mirziyoyev vurğulayıb.
15:57 07.10.2025
Oxunuş sayı: 961
