Rusiya bəzi NATO ölkələrinə qarşılıqlı hücum etməmək barədə sazişlər təklif edib
Rusiya bəzi NATO üzvlərinə qarşılıqlı hücum etməmək barədə ikitərəfli sazişlər bağlamağı təklif edib.
Crossmedia.az xəbər verir ki, “Reuters” agentliyinin məlumatına görə, Rusiya Xarici İşlər Nazirliyinin nümayəndəsi Aleksey Drobinin Moskvanın Alyansın ayrı-ayrı üzvlərinə əlavə fərdi təhlükəsizlik təminatları verməyə hazır olduğunu bildirib. Bunun müqabilində ikitərəfli razılaşmaların imzalanması təklif olunur.
Moskva həmçinin mümkün təcavüz halında tərəflərin bir-birinə qarşılıqlı yardım göstərməsi və ya bir-birinin rəqiblərini dəstəkləməməsi ilə bağlı öhdəliklərin nəzərdən keçirilməsini təklif edir. Rusiya nümayəndə heyətinin rəhbəri Vladimir Medinski Avropada yeni təhlükəsizlik arxitekturasının yaradılması ideyasının Əbu-Dabidəki danışıqların əsas mövzularından biri olduğunu təsdiqləyib.
Bununla belə, bəzi Avropa siyasətçiləri Ukraynada müharibə başa çatmadan belə razılaşmaların müzakirəsinə qarşı çıxırlar. ABŞ isə bu təkliflərin artıq indidən nəzərdən keçirilməsinə hazırdır.
21:32 11.11.2026
Oxunuş sayı: 40
