Polşa Azərbaycana qarşı hücumlara başlayıb: Bu işdə də "erməni barmağı" var
Polşanın ictimai yayımçısı TVP World ətrafında yaranan müzakirələr Azərbaycan-Polşa münasibətləri və telekanalın ölkəmizə dair materiallarının obyektivliyi məsələsini yenidən gündəmə gətirib. Son dövrlər kanalın Azərbaycan və onun dövlət institutları ilə bağlı yayımladığı materiallar Bakıda tənqidlərə səbəb olub. Digər tərəfdən, TVP World-un xarici yayım bölməsinin fəaliyyəti ilə bağlı Polşada səslənən iddialar və maliyyə əməliyyatlarına dair suallar mövzunun daha geniş müstəvidə müzakirəsinə zəmin yaradır. Bu fonda əsas sual yaranır: Azərbaycan-Ermənistan münasibətlərinin normallaşması və regionda davamlı sülhün əldə olunması hansı qüvvələrin maraqlarına uyğun deyil və onlar prosesə hansı vasitələrlə təsir göstərməyə çalışırlar?
Bəs sülh prosesinə qarşı çıxan qüvvələr kimlər ola bilər? TVP World-un yayımladığı materiallara görə Polşa dövləti məsuliyyət daşımalıdırmı və belə hallarda rəsmi Varşavanın mövqeyi necə olmalıdır?
Mövzu ilə bağlı Crossmedia.az-a açıqlama verən politoloq Fikrət Sadıqov qeyd edib ki, "mətbuat azadlığı" anlayışının arxasında müəyyən ölkə daxilində fəaliyyət göstərən siyasi və maliyyə qüvvələrinin dayandığına şübhə etmirəm: “Həmçinin istisna etmirəm ki, bu prosesdə erməni qüvvələri də aktiv rol oynayır. Bizə qarşı aparılan kampaniyanın əsas məqsədi ictimaiyyətə yalan və saxta məlumatlar ötürmək, Azərbaycanın hansısa dövlətə qarşı təcavüz etdiyi, insanlara işgəncə verdiyi barədə əsassız xəbərlər yaymaqdır. Hesab edirəm ki, bütün bunlar konkret qüvvələrin sifarişi və tapşırığı əsasında həyata keçirilir. Əslində, həmin qüvvələr hazırda öz daxili problemləri ilə məşğul olmalıdırlar. Ölkə daxilində prezidentlə baş nazir arasında qarşıdurma yaşanır. Konstitusiya Tribunalı ilə bağlı bir sıra qalmaqallı hadisələrin nəticələri də hələ tam təhlil olunmayıb. Onların həllini gözləyən kifayət qədər ciddi problemləri var. Buna baxmayaraq, bu məsələyə yanaşmalarının müəyyən siyasi ssenari çərçivəsində formalaşdırıldığını düşünürəm”.
Ayhan
18:40 11.11.2026
Oxunuş sayı: 49
