ABŞ səfiri: Demokratların qələbəsi ölkə üçün yaxşı haldır
ABŞ-nin Türkiyədəki səfiri Tom Barrak Konqresə keçirilən aralıq seçkilərində Demokratlar Partiyasının uğur qazanmasını Amerika demokratiyasının gücünün göstəricisi kimi qiymətləndirib.
Crossmedia.az xəbər verir ki, ABŞ-nin Türkiyədəki səfiri Tom Barrak bu barədə açıqlama verib.
Səfir Respublikaçılar Partiyasından olan Donald Trampın prezidentliyi dövründə Konqresdə siyasi qüvvələr nisbətinin dəyişməsinin mənfi hal olmadığını vurğulayıb.
“Konqresin tərkibinin dəyişməsi Amerikaya verilən böyük qiymətdir. Respublikaçı prezident hakimiyyətdə olduğu halda ‘mavi dalğa’ adlandırılan siyasi dəyişikliklərin baş verməsi pis deyil. Əksinə, bu, yaxşı haldır”, – deyə Barrak bildirib.
O, seçkilərin nəticələrinin Amerika cəmiyyətinin mövqeyini əks etdirdiyini qeyd edib.
“Bu, Amerika xalqının öz səsini çatdırması və müəyyən mesaj verməsidir”, – deyə diplomat əlavə edib.
Qeyd edək ki, ABŞ-də noyabrın 3-də keçirilən aralıq seçkilərində Demokratlar Partiyası Konqresin hər iki palatasında çoxluğu qazanıb. Yeni Konqresin 2027-ci ilin yanvarında fəaliyyətə başlaması gözlənilir.
17:16 11.11.2026
Oxunuş sayı: 34
