Kuşner: Rusiya-Ukrayna münaqişəsinin həlli olduqca çətindir
ABŞ Prezidenti Donald Trampın kürəkəni Cared Kuşner Rusiya-Ukrayna müharibəsinin başa çatdırılması istiqamətində aparılan danışıqların mürəkkəb olduğunu və yekun qərarların yalnız ölkə liderləri tərəfindən verilə biləcəyini bildirib.
Crossmedia.az xəbər verir ki, Cared Kuşner bu barədə Ukrayna Prezidenti Volodimir Zelenski ilə Rusiya Prezidenti Vladimir Putin arasında mümkün görüşü şərh edərkən danışıb.
Kuşner əvvəlki beynəlxalq razılaşmaların hazırlanmasına sərf olunan vaxtı xatırladaraq sülh proseslərinin uzun müddət tələb edə biləcəyini vurğulayıb.
“İbrahim razılaşmalarını hazırlayanda bu proses üç il yarım çəkdi. ABŞ, Meksika və Kanada arasında USMCA ticarət sazişinin əldə olunması iki il yarım, Qəzza ilə bağlı razılaşma isə bir il çəkdi”, – deyə o bildirib.
Kuşnerin sözlərinə görə, belə mürəkkəb məsələlərdə son qərarları yalnız dövlət liderləri qəbul edə bilərlər.
“Biz sanki böyük bir qayanı yoxuşa doğru itələyirik. Bu, çox çətin münaqişədir”, – deyə o qeyd edib.
16:17 11.11.2026
Oxunuş sayı: 36
