Torpağın altından sərvət çıxdı: Tikinti işçiləri şoka düşdü
Hindistanda ev tikintisi üçün aparılan qazıntı zamanı torpağın altından 22 parça qızıl zinət əşyası tapılıb. Təxminən 466 qram ağırlığında olan qızılların dəyərinin 3,2 milyon türk lirəsi olduğu bildirilir.
Crossmedia.az xəbər verir ki, bu barədə “SonDakika” məlumat yayıb.
Hadisə Hindistanın Karnataka ştatının Lakkundi kəndində baş verib. İşçilər evin təməlini qazarkən, təxminən 1,5 metr dərinlikdə basdırılmış mis qab aşkarlayıblar.
Qabın içərisindən qızıl zəncirlər, bilərziklər, üzüklər və sırğalar çıxıb. Ümumilikdə 22 zinət əşyasının olduğu müəyyənləşdirilib.
Tapıntıdan sonra əraziyə arxeoloqlar və müvafiq qurumların nümayəndələri cəlb olunub. Qızılların kim tərəfindən və nə vaxt torpağa basdırıldığı araşdırılır.
Mütəxəssislər zinət əşyalarının keçmişdə bir ailə tərəfindən gizlədilmiş ola biləcəyini ehtimal edirlər.
Dəniz Pənahova
19:26 11.11.2026
Oxunuş sayı: 39
