Ukrayna rəsmisi əhalini uzunmüddətli müharibəyə hazırlaşmağa çağırıb
Ukrayna Prezident Ofisi rəhbərinin müavini İrina Vereşçuk ölkə vətəndaşlarını müharibənin tezliklə başa çatacağına ümid etməməyə və uzunmüddətli qarşıdurmaya hazırlaşmağa çağırıb.
Crossmedia.az xəbər verir ki, “UNİAN”ın məlumatına görə, Vereşçuk fəal sülh danışıqlarına baxmayaraq, Rusiyanın raket və pilotsuz uçuş aparatlarının istehsalını artırmağa davam etdiyini bildirib.
O, Ukraynanın müharibəyə deyil, sülhə hazırlaşmalı olduğu fikrinin reallığı əks etdirmədiyini vurğulayıb. Rəsmi vətəndaşlara əvvəlcədən su və zəruri ehtiyatlar toplamağı, mümkün çətinliklərə hazır olmağı tövsiyə edib.
Vereşçuk, həmçinin müstəqil şəkildə hazırlıq görə bilməyən qonşulara kömək etməyin vacibliyini qeyd edib.
22:23 11.11.2026
Oxunuş sayı: 35
