Ali məktəblərə əlavə yerləşdirmənin nəticələri açıqlanıb
Türkiyədə 2026-cı il Ali Təhsil Müəssisələrinə İmtahanın (YKS) əlavə yerləşdirmə nəticələri açıqlanıb.
Crossmedia.az xəbər verir ki, bu barədə Türkiyənin Ölçmə, Seçmə və Yerləşdirmə Mərkəzi (ÖSYM) məlumat yayıb.
Bildirilib ki, 2026–2027-ci tədris ili üçün ali təhsil proqramlarına əlavə yerləşdirmə prosesi başa çatıb. Namizədlər nəticələrini ÖSYM-nin rəsmi internet səhifəsindən şəxsiyyət nömrəsi və namizəd şifrəsi ilə öyrənə bilərlər.
Nəticə sənədi çap olunmayacaq və namizədlərin ünvanlarına göndərilməyəcək.
Əlavə yerləşdirmə nəticəsində ali təhsil müəssisələrinə qəbul hüququ qazanan namizədlər oktyabrın 2-dən 9-dək qeydiyyatdan keçə biləcəklər. Elektron qeydiyyat isə oktyabrın 2-dən 4-dək aparılacaq.
Qeydiyyat üçün namizədlər qəbul olunduqları universitetə müəyyən edilmiş müddətdə müraciət etməlidirlər. Elektron qeydiyyatdan keçənlər isə universitetlərin elan etdiyi tarixlərə və tələb olunan sənədlərə uyğun hərəkət etməlidirlər.
17:10 28.09.2026
Oxunuş sayı: 45
