Xarici xəbərlər

İran nüvə məsələsində ABŞ-ə güzəştə getməyəcək

İran ABŞ Hörmüz boğazında gəmiçiliyin bərpası ilə bağlı Tehranın təklifini qəbul etsə belə, nüvə proqramı üzrə heç bir güzəştə getməyəcək.

Crossmedia.az xəbər verir ki, “Reuters” bu barədə İranın yüksək vəzifəli rəsmisinə istinadən məlumat yayıb.

Anonim danışan iranlı rəsminin sözlərinə görə, Hörmüz boğazı ABŞ İranın bütün şərtlərini yerinə yetirənədək bağlı qalacaq. Tehranın təklifinə ABŞ-nin İran limanlarına tətbiq etdiyi dəniz blokadasını aradan qaldırması, dondurulmuş vəsaitlərin sərbəst buraxılması və neft sanksiyalarından imtina etməsi kimi tələblər daxildir.

Rəsmi bildirib ki, İran uranın zənginləşdirilməsi və yüksək zənginləşdirilmiş uranın ölkədən çıxarılması kimi məsələlərdə güzəştə getməyəcək. İranın nüvə proqramının yalnız dinc məqsəd daşıdığını bildirməsinə baxmayaraq, ABŞ və digər Qərb ölkələri Tehranın nüvə silahı əldə etməyə çalışdığını iddia edir.

Mövzular:

İran ABŞ Hörmüz boğazı İranın nüvə proqramı Qərb ölkələri Tehran gəmiçilik

🖨 Çap et

23:59 25.09.2026

Oxunuş sayı: 36