Xarici xəbərlər

ABŞ Kubaya qarşı mümkün hərbi əməliyyata hazırlaşır

ABŞ ordusu Kubaya qarşı mümkün hərbi əməliyyat ssenarisi çərçivəsində Cənub Komandanlığına əlavə dəstək qüvvələrinin ayrılması imkanını qiymətləndirir.
Crossmedia.az xəbər verir ki, “CBS News” bu barədə məlumat yayıb.

Məlumata görə, ABŞ Ordu Ehtiyatları yaxın dörd ay ərzində Cənub Komandanlığına hərbi polis, tibbi heyət və digər yardımçı bölmələrin təqdim olunması imkanını araşdırır.

Söhbət, həmçinin logistikanın əlaqələndirilməsi üzrə ixtisaslaşmış təminat batalyonu və mühəndis bölməsindən gedir. Daxili ordu mesajında bu bölmələrə 90–120 gün ərzində ehtiyac yarana biləcəyi qeyd olunub.

“CBS News”un məlumatına görə, sənəddə Kubanın adı birbaşa çəkilməsə də, ABŞ rəsmiləri hazırlığın Kuba ilə bağlı planlaşdırma çərçivəsində aparıldığını bildiriblər. Bununla yanaşı, bu məlumat ABŞ-nin Kubaya qarşı hərbi əməliyyatla bağlı yekun qərar verdiyini göstərmir.

Mövzular:

ABŞ Kuba ABŞ Ordu Ehtiyatları ABŞ ordusu Cənub Komandanlığı hərbi əməliyyatlar

🖨 Çap et

23:06 25.09.2026

Oxunuş sayı: 35