Xarici xəbərlər

Səudiyyənin nüvə silahı hazırlamaq ehtimalı ABŞ kəşfiyyatını narahat edir

ABŞ kəşfiyyat icmasının Səudiyyə Ərəbistanının nüvə silahı hazırlamaq imkanını istisna etmədiyi qənaətinə gəldiyi bildirilir.

Crossmedia.az xəbər verir ki, “The Washington Post” bu barədə məlumat yayıb.

Məlumata görə, bu qiymətləndirmə Konqresə təqdim olunan məxfi sənədlərdə əksini tapıb və ABŞ-nin Səudiyyə Ərəbistanının mülki nüvə proqramına dəstəyini nəzərdə tutan razılaşması ilə bağlı bəzi qanunvericilərdə narahatlıq yaradıb.

Razılaşma çərçivəsində ABŞ şirkətlərinin Səudiyyə Ərəbistanında atom enerjisi obyektləri inşa etməsinə imkan yaradılması nəzərdə tutulur. “The Washington Post”un iyul ayında dərc etdiyi məlumatda razılaşmanın Səudiyyə Ərəbistanına uranın zənginləşdirilməsi üçün potensial yol aça biləcəyi bildirilmişdi.

Mənbənin məlumatına görə, ilkin mərhələdə uranın zənginləşdirilməsi səviyyəsinin 5 faizdən aşağı olması nəzərdə tutulur, sonrakı razılaşma ilə isə bu göstəricinin 20 faizə qədər artırılması imkanının müzakirə edildiyi bildirilir.

Mövzular:

ABŞ kəşfiyyat icması ABŞ Səudiyyə Ərəbistan nüvə silahı atom enerjisi The Washington Post məxfi sənədlər

🖨 Çap et

22:59 25.09.2026

Oxunuş sayı: 49