Si Cinpin Çin və ABŞ arasında qarşıdurmadan çəkinməyə çağırdı
Çin Prezidenti Si Cinpin Çin və ABŞ arasında qarşıdurmanın qarşısının alınması üçün dialoqun gücləndirilməsinin vacibliyini bildirib.
Crossmedia.az xəbər verir ki, Si Cinpin bu fikirləri ABŞ Prezidenti Donald Trampla Ağ Evdə keçirilən görüş zamanı səsləndirib.
Çin lideri iki ölkənin fərqli milli xüsusiyyətlərə malik olduğunu, lakin davamlı və səmimi dialoq vasitəsilə qarşılıqlı anlaşmanın gücləndirilə biləcəyini deyib. O, Çin və ABŞ-nin sülh şəraitində birgə mövcud olmasının vacibliyini vurğulayıb.
Si Cinpin həmçinin iki ölkənin əməkdaşlıqdan fayda götürəcəyini, qarşıdurmadan isə zərər görəcəyini bildirib. O, hərbi əlaqələrin və böhranların qarşısının alınması mexanizmlərinin gücləndirilməsinə çağırıb.
22:42 24.09.2026
Oxunuş sayı: 45
