Yeniyetmə internet tanışını şantaj edərək 575 min rubldan çox pul alıb
Rusiyanın Moskva vilayətində 17 yaşlı yeniyetmə Telegram vasitəsilə tanış olduğu kişini hədələyərək ondan 575 640 rubl alıb.
Crossmedia.az xəbər verir ki, bu barədə “mk.ru” nəşri məlumat yayıb.
Hadisə 2025-ci ilin yanvarında başlayıb. Glebovski qəsəbəsinin sakini olan yeniyetmə Telegram-da tanışlıq çatında özünü yetkin şəxs kimi təqdim edərək bir kişi ilə yazışmağa başlayıb. Yazışmalar intim xarakter aldıqdan sonra o, qarşı tərəfi şantaj edib. Yeniyetmə pul ödəməyəcəyi təqdirdə yazışmaları kişinin iş yoldaşlarına və qohumlarına göndərəcəyi ilə hədələyib.
Bundan əlavə, o, kişinin anası ilə yaşadığı mənzilin giriş qapısını yandıracağını və hər ikisini döyəcəyini bildirib. Qorxuya düşən kişi əvvəlcə 4 min rubl köçürsə də, şantaj davam edib.
2025-ci ilin yanvar-iyun ayları ərzində yeniyetmə zərərçəkəndən ümumilikdə 575 640 rubl alıb. Kişinin polisə müraciətindən sonra şübhəli saxlanılıb.
İstrinski şəhər məhkəməsi yeniyetməni 3 il müddətinə şərti azadlıqdan məhrum edib, onun üçün 4 illik sınaq müddəti müəyyənləşdirib və aldığı pulu geri qaytarmağı tapşırıb.
22:42 08.11.2026
Oxunuş sayı: 95
