Politoloq: Ermənistanın Aİ-yə üzvlük istiqaməti ölkəyə zərər verə bilər
Ermənistanın Avropa İttifaqına (Aİ) inteqrasiya siyasəti ölkənin inkişafına mənfi təsir göstərə və sadə vətəndaşlara zərər vura bilər.
Crossmedia.az xəbər verir ki, bu barədə politoloq Aleksandr Kargin “Sputnik Ermənistan”a açıqlamasında bildirib.
Ekspertin sözlərinə görə, Avropada vəziyyət getdikcə pisləşir və xüsusilə Fransada gərginliyin artacağı gözlənilir. O, Avropada baş verən hadisələri ciddi böhran əlaməti kimi qiymətləndirib.
Kargin ABŞ-də aralıq seçkilərdə məğlub olan Donald Trampın Avropa ilə münasibətlərdə daha sərt mövqe tuta biləcəyini də iddia edib. Onun fikrincə, Tramp Brüsseldəki Avropa rəsmilərinə müsbət münasibət bəsləmir.
Politoloq hesab edir ki, buna baxmayaraq, Tramp ABŞ-nin xarici siyasətində, o cümlədən Ermənistan və Cənubi Qafqazla bağlı yanaşmasında köklü dəyişikliklər etməyəcək.
Kargin əlavə edib ki, Qərbin regiona və Qafqaz ölkələrinə münasibətdə indiyədək tətbiq etdiyi yanaşmalar müsbət nəticələr vəd etməyib.
22:13 08.11.2026
Oxunuş sayı: 99
