Ukrayna kosmosda raketləri zərərsizləşdirən sistemləri sınaqdan keçirir
Ukrayna atmosferdən kənarda ballistik raketləri ələ keçirmək üçün nəzərdə tutulan müdafiə sistemlərinin üç sınağını həyata keçirib. Yeni texnologiyanın əsas hədəflərindən biri Rusiyanın “Oreşnik” raketidir.
Crossmedia.az xəbər verir ki, bu barədə “The Guardian” nəşri məlumat yayıb.
Məlumata görə, sınaqdan keçirilən sistemlər atmosferdən kənarda hərəkət edən ballistik raketləri aşkar edərək zərərsizləşdirmək məqsədi daşıyır.
Rusiyanın “Oreşnik” raketi uçuş zamanı atmosferin yuxarı qatlarını keçərək yaxın kosmosa daxil olur. Raket daha sonra bir neçə döyüş blokunu ayırır və onların hər biri ayrıca hədəfə yönələ bilir.
Bu texnologiya əvvəlcə nüvə raketlərində istifadə olunan çoxsaylı müstəqil hədəfə tuşlanan döyüş başlıqları prinsipi ilə işləyir.
Ukrayna gələcəkdə belə sistemlərin seriyalı istehsalına başlamağı planlaşdırır. Lakin layihənin qarşısında əsas maneələrdən biri maliyyə çatışmazlığıdır.
Cəbhənin ehtiyacları üçün böyük vəsait tələb olunduğundan yeni raketdən müdafiə sistemlərinin hazırlanmasına əlavə maliyyə ayırmaq çətinləşir.
21:51 08.11.2026
Oxunuş sayı: 31
