Xarici xəbərlər

Tramp Qrelandiyanın təhlükəsizliyini öz üstünə götürdü

ABŞ və Danimarka Qrenlandiyanın təhlükəsizliyi ilə bağlı yeni razılaşma əldə edib.

Crossmedia.az xəbər verir ki, “politico” bu barədə məlumat yayıb.

Razılaşma ABŞ-ə Qrenlandiyada hərbi mövcudluğunu genişləndirmək və adanın təhlükəsizliyi sahəsində daha geniş imkanlar əldə etmək imkanı verəcək. Sənədin Danimarka və Qrenlandiyanın suverenliyini və öz müqəddəratını təyinetmə hüququnu qoruduğu bildirilir.

Donald Tramp bildirib ki, ABŞ Qrenlandiyada daha böyük hərbi qüvvə yerləşdirməyi planlaşdırır. Razılaşmaya əsasən, NATO üzvü olmayan ölkələrin adada hərbi baza yaratması və həssas investisiyalar həyata keçirməsi məhdudlaşdırılacaq.

Razılaşmanın gələn həftə BMT Baş Assambleyasının Nyu-Yorkdakı tədbirləri çərçivəsində imzalanması gözlənilir. Sənədin qüvvəyə minməsi üçün Danimarka və Qrenlandiya parlamentlərinin təsdiqi tələb olunur.

Mövzular:

ABŞ NATO Danimarka Qrenlandiya hərbi qüvvə BMT Baş Assambleyası Nyu-York Donald Tramp

🖨 Çap et

18:47 19.09.2026

Oxunuş sayı: 40