Xarici xəbərlər

İranın zərbələri ABŞ-nin Yaxın Şərqdəki bazalarına ciddi ziyan vurub

İranın zərbələri nəticəsində ABŞ-nin Səudiyyə Ərəbistanı və Küveytdəki hərbi bazalarına ciddi ziyan dəydiyini göstərən görüntülər yayılıb.

Crossmedia.az xəbər verir ki, BBC-nin ABŞ-dəki tərəfdaşı CBS-in əldə etdiyi, hərbçilər tərəfindən təqdim olunan fotolarda radar sistemi, hərbi treylerlər və binaların ciddi zədələndiyi görünür. CBS-ə danışan hərbçilərdən biri bazalara dəyən ziyanın ABŞ ictimaiyyətinə tam açıqlanmadığını iddia edib.

Görüntülər müstəqil şəkildə təsdiqlənməyib. BBC qeyd edir ki, ABŞ Müdafiə Nazirliyinin nəzarət qurumunun hesabatında Yaxın Şərqdəki ABŞ bazalarında yüzlərlə bina və infrastruktur obyektinin İranın hücumları nəticəsində zədələndiyi və ya dağıldığı təsdiqlənib. Görüntülərdən birində Səudiyyə Ərəbistanındakı Şahzadə Sultan Hava Bazasında yerləşən Boeing E-3 Sentry təyyarəsinin iki hissəyə ayrılaraq ciddi zərər gördüyü əks olunub.

🖨 Çap et

23:06 16.09.2026

Oxunuş sayı: 46