Əraqçı: İran ABŞ-lə diplomatiyaya da, müdafiəyə də hazırdır
İran həm müdafiə, həm də diplomatik danışıqlar yolunu seçməyə hazırdır.
Crossmedia.az xəbər verir ki, İranın xarici işlər naziri Abbas Əraqçı bu barədə açıqlama verib.
Nazirin sözlərinə görə, İran nümayəndə heyətinin Qətərə səfəri ABŞ-lə danışıqlara hazırlıq məqsədi daşımayıb. Səfərin əsas məqsədi Qətər vasitəçiləri ilə məsləhətləşmələri davam etdirmək olub.
Əraqçı bildirib ki, iki günlük plan üzrə məsləhətləşmələr davam edir, lakin hələlik yekun nəticə əldə olunmayıb. O, növbəti irəliləyişin ABŞ tərəfinin Tehranın suallarına verəcəyi cavablardan asılı olduğunu vurğulayıb.
İranın xarici işlər naziri Vaşinqtonun ağıllı qərar verərək digər variantlardan əvvəl diplomatiyaya üstünlük göstərəcəyinə ümid etdiyini bildirib.
Əraqçı əlavə edib ki, ABŞ-nin hansı yolu seçəcəyi onun qərarından asılıdır.
20:55 01.11.2026
Oxunuş sayı: 50
