İdman

İbrahim Talıbov "Dakar-2026"da Azərbaycana ilk qızıl medalı qazandırıb

Azərbaycan komandası "Dakar-2026" Yeniyetmələrin IV Yay Olimpiya Oyunlarında ilk qızıl medalını qazanıb. Cüdoçu İbrahim Talıbov final görüşündə xorvatiyalı rəqibinə qalib gələrək fəxri kürsünün ən yüksək pilləsinə yüksəlib. İdmançı bu nəticə ilə Azərbaycan komandasına turnirin ilk qızıl medalını qazandırıb.

Crossmedia.az xəbər verir ki, İbrahim Talıbov -55 kq çəki dərəcəsində mübarizə aparıb. O, finalda Xorvatiya təmsilçisi Zvorc Jona ilə qarşılaşıb və qələbə qazanıb.

Mübarizəyə 1/4 final mərhələsindən başlayan cüdoçu ilk görüşdə Mərkəzi Afrika Respublikasından olan İbrahim Mussanı, ikinci qarşılaşmada isə Səudiyyə Ərəbistanı təmsilçisi Muratz Hebahı məğlub edib.

Qeyd edək ki, noyabrın 13-dək davam edəcək "Dakar-2026"da Azərbaycan 8 idman növü üzrə 13 idmançı ilə təmsil olunur.

Mövzular:

İbrahim Talıbov Azərbaycan Yeniyetmələrin Yay Olimpiya Oyunları Azərbaycan idmanı Dakar-2026 cüdo

🖨 Çap et

20:41 01.11.2026

Oxunuş sayı: 55