Rusiyanın bu vilayətində benzin satışına 40 litr limiti qoyulub
Rusiyanın Nijni Novqorod vilayətində yanacaqdoldurma məntəqələrində bir avtomobilə bir dəfəyə maksimum 40 litr benzin satılmasına icazə verilib.
Crossmedia.az xarici KİV-ə istinadən xəbər verir ki, bu barədə vilayət hökumətinin mətbuat xidməti TASS-a məlumat verib.
Qərara əsasən, dizel yanacağının satışına məhdudiyyət tətbiq edilmir. Bununla yanaşı, benzinin kanistrlərə və digər qablara satışı qadağan olunub.
Vilayətdə avtomobillərin dövlət nömrə nişanının son rəqəminə və tarixə uyğun olaraq yanacaq doldurmasını nəzərdə tutan əvvəlki “cüt-tək” sistemi üzərində nəzarət də gücləndirilib.
Qeyd edək ki, bundan əvvəl Rusiyanın rekord sayda bölgəsində yanacağın qiymətinin aşağı düşməsi daxili bazarın təchizatının yaxşılaşması ilə əlaqələndirilib. Bu tendensiyanın gələcəkdə də davam edəcəyi bildirilib.
19:30 01.11.2026
Oxunuş sayı: 58
