Zelenski ABŞ-dən “Patriot” raketlərinin Ukraynaya təcili göndərilməsini tələb edib
Ukrayna Prezidenti Volodimir Zelenski ABŞ-dən “Patriot” hava hücumundan müdafiə sistemləri üçün raketlərin tədarükü məsələsini dərhal həll etməyi istəyib.
Crossmedia.az xəbər verir ki, Zelenski bu barədə özünün “Telegram” kanalında paylaşım edib.
O bildirib ki, Ukrayna hər gün ABŞ, Avropa və digər tərəfdaşlarına “Patriot” sistemləri üçün raketlərə ehtiyac olduğunu çatdırır. Prezidentin sözlərinə görə, bu ay ABŞ və Avropa ölkələri Ukraynaya yeni yardım paketləri ilə bağlı qərarlar qəbul ediblər.
Zelenski qeyd edib ki, həmin tədarüklərin həyata keçirilməsi illərlə gözləyə bilməz. O, hava hücumundan müdafiə sistemləri ilə bağlı qərarların dərhal icra olunmasının vacibliyini vurğulayıb.
Xatırladaq ki, daha əvvəl Zelenski ABŞ-nin Ukraynaya “Patriot” sistemləri üçün raketləri 2026-cı ildə deyil, bir neçə il sonra göndərmək qərarından narazılığını bildirmişdi.
17:55 01.11.2026
Oxunuş sayı: 62
