Rusiya: Aİ-də enerji qiymətləri iğtişaşlara səbəb olur
Avropa İttifaqında enerji qiymətlərinin artması sənayesizləşmə, iğtişaşlar və qarətlərlə nəticələnir. Bu barədə Rusiya Prezidentinin xüsusi nümayəndəsi, Rusiya Birbaşa İnvestisiyalar Fondunun rəhbəri Kirill Dmitriyev açıqlama verib.
Crossmedia.az xarici KİV-ə istinadən xəbər verir ki, Dmitriyev Avropa ölkələrinin Rusiya qazından imtina etməsini enerji qiymətlərinin yüksəlməsinin əsas səbəblərindən biri kimi qiymətləndirib.
Onun sözlərinə görə, bu vəziyyət Avropada sənayesizləşməyə, ictimai iğtişaşlara və qarətlərə gətirib çıxarır.
Dmitriyev miqrasiya siyasətinin və Avropa rəsmilərinin buraxılan səhvləri düzəltməyə müqavimət göstərməsinin də vəziyyəti ağırlaşdırdığını bildirib.
Qeyd edək ki, bundan əvvəl Avropa İttifaqında yüksək enerji qiymətləri səbəbindən qaz istehlakının azaldılması çağırışı edilib. Bu barədə Avropa Komissiyasının enerji məsələləri üzrə komissarı Dan Yorgensen üzv ölkələrin müvafiq nazirlərinə məktub ünvanlayıb.
19:02 01.11.2026
Oxunuş sayı: 55
