Xarici xəbərlər

İsveçdə Rusiya ilə əlaqəli yük gəmisində yoxlama aparılıb

İsveç polisi Qotland adası sahillərində quru yük gəmisində yoxlama aparıb. Əməliyyat zamanı gəminin heyətində Rusiya vətəndaşlarının olduğu bildirilib.

Crossmedia.az xəbər verir ki, “TV4 News” telekanalı bu barədə məlumat yayıb.

Məlumata görə, əməliyyat oktyabrın 31-nə keçən gecə həyata keçirilib. Uzunluğu 80 metr olan gəminin göyərtəsində polis əməkdaşları gecəboyu qalaraq heyət üzvlərini və onların səyahət sənədlərini yoxlayıblar.

Stokholm regionu polisinin mətbuat katibi Karina Sagerlind bildirib ki, əməliyyat zamanı bütün zəruri resurslardan istifadə olunub. O, tətbiq edilən konkret vasitələrlə bağlı ətraflı məlumat verməyib.

Xatırladaq ki, bu ilin mart ayında İsveç Sahil Mühafizəsi Baltik dənizində “Sea Owl I” tankerini saxlamışdı. Komor adalarının bayrağı altında üzən gəmi Braziliyanın Santos limanından Rusiyanın Primorsk limanına gedirdi.

Mövzular:

İsveç Qotland yük gəmisi polis əməliyyatı Rusiya vətəndaşları

🖨 Çap et

17:40 01.11.2026

Oxunuş sayı: 66