Rusiya “Şahid” dronlarını kiçik qruplarla hücuma göndərir
Rusiya Ukraynaya “Şahid” tipli pilotsuz uçuş aparatlarını kütləvi dalğalarla deyil, kiçik qruplarla və müxtəlif istiqamətlərdən göndərir. Bu taktika Ukrayna aviasiyasını və hava hücumundan müdafiə qüvvələrini eyni vaxtda bir neçə istiqamətdə reaksiya verməyə məcbur edir.
Crossmedia.az xarici KİV-ə istinadən xəbər verir ki, Ukrayna Hərbi Hava Qüvvələrinin nümayəndəsi Yuri İqnat Rusiyanın dron hücumlarında bu üsuldan getdikcə daha çox istifadə etdiyini bildirib.
Onun sözlərinə görə, dronların ayrı-ayrı qruplarla və növbə ilə buraxılması Ukraynanın hava hücumundan müdafiə sistemlərinin işini çətinləşdirir. Bəzi hallarda F-16 qırıcıları cəmi iki dronu zərərsizləşdirmək üçün ölkənin bir hissəsindən digərinə uzun məsafə qət etməli olur. Daha sonra təyyarələr bazaya qayıdır və yeni hədəfləri qarşılamaq üçün yenidən havaya qalxır.
İqnat qeyd edib ki, bu taktika Ukrayna aviasiyasının və yerüstü hava hücumundan müdafiə vasitələrinin imkanlarını müxtəlif hədəflər arasında bölüşdürməyə hesablanıb.
21:20 01.11.2026
Oxunuş sayı: 58
