Bioloji saat pozulur: Saatların dəyişdirilməsi hansı fəsadlara səbəb olur?
Saatların ildə iki dəfə dəyişdirilməsi insan orqanizminin bioloji ritminə və sağlamlığına mənfi təsir göstərə bilər.
Crossmedia.az xəbər verir ki, bu barədə mütəxəssislər “RİA Novosti”yə açıqlamalarında bildiriblər.
Mütəxəssislərin sözlərinə görə, insanın bioloji saatı yay vaxtına keçidə heç vaxt tam uyğunlaşmır. Orqanizmdə hormonların səviyyəsi günəş vaxtına uyğun işləməyə davam edir. Bu isə yay aylarında sağlamlığa və ümumi rifaha mənfi təsir göstərə biləcək davamlı uyğunsuzluq yaradır.
Bildirilib ki, daimi yay vaxtına keçid vəziyyəti daha da ağırlaşdıra bilər. Belə ki, qış aylarında gün işığının qısa olması və səhər saatlarında günəş işığının çatışmazlığı orqanizmin bioloji ritminə əlavə mənfi təsir göstərir.
Qeyd edək ki, Rusiya 15 il əvvəl saatların mövsümi dəyişdirilməsindən imtina edib. ABŞ-də isə bu təcrübə hələ də davam etdirilir.
ABŞ-də saatlar noyabr ayının ilk bazar günü qış vaxtına uyğunlaşdırılır. Bu il keçid noyabrın 1-də baş tutacaq.
22:38 01.11.2026
Oxunuş sayı: 54
