Antona Grunisin ölüm xəbəri təsdiqlənib
Rusiyanın general-mayoru, 4-cü əlahiddə motoatıcı briqadanın komandiri Anton Grunis Ukraynada gedən döyüşlər zamanı həlak olub. Onun ölümü Rusiya Silahlı Qüvvələrinin Baş Hərbi-Siyasi İdarəsinin rəis müavini, “Ahmat” xüsusi təyinatlılarının komandiri Apti Alaudinov tərəfindən təsdiqlənib.
Crossmedia.az xəbər verir ki, Rusiya və Ukrayna mənbələri bu barədə məlumat yayıb.
Grunis 4-cü əlahiddə motoatıcı briqadaya rəhbərlik edib. O, 2026-cı ilin iyulunda Rusiya Prezidenti Vladimir Putinə Konstantinovkanın ələ keçirildiyi barədə məruzə edən hərbçilər arasında olub. Bununla belə, müstəqil mənbələr şəhərin həmin vaxt tam nəzarətə götürüldüyünü təsdiqləmir.
28 avqust 2026-cı ildə Grunisə Rusiya Qəhrəmanı adı verilib və müdafiə naziri Andrey Belousov ona “Qızıl Ulduz” medalını təqdim edib.
Generalın ölümünün dəqiq şəraiti ilkin açıqlamalarda bildirilməyib. Bəzi Ukrayna mənbələri onun Ukrayna Silahlı Qüvvələrinin zərbəsi nəticəsində öldürüldüyünü yazsa da, bu məlumat müstəqil şəkildə təsdiqlənməyib.
Grunisin 13 sentyabr 2026-cı ildə öldüyü barədə məlumatlar da yayılıb.
14:20 16.09.2026
Oxunuş sayı: 49
