Boris Conson Ukrayna müharibəsini “imperiya müharibəsi” adlandırıb
Böyük Britaniyanın keçmiş Baş naziri Boris Conson Ukraynada davam edən münaqişənin mahiyyət etibarilə “imperiya müharibəsi” olduğunu bildirib.
Crossmedia.az xəbər verir ki, Conson münaqişənin Rusiyanın öz tarixinə və keçmişdəki roluna yanaşması ilə sıx bağlı olduğunu deyib. Onun sözlərinə görə, Moskvanın Ukraynaya münasibətində tarixi yanaşmalar və Rusiyanın regiondakı mövqeyi ilə bağlı təsəvvürlər mühüm rol oynayır.
Keçmiş baş nazir Ukraynadakı müharibənin yalnız iki ölkə arasındakı qarşıdurma kimi qiymətləndirilməməli olduğunu vurğulayıb. O, münaqişənin arxasında Rusiyanın Ukraynaya və onun tarixi roluna dair baxışlarının dayandığını qeyd edib.
Conson daha əvvəl də Ukraynaya hərbi və siyasi dəstəyin artırılmasının tərəfdarı kimi çıxış edib.
18:55 15.09.2026
Oxunuş sayı: 42
