Kiyevdəki körpülərin taleyi sual altındadır – The Economist-dən diqqətçəkən qiymətləndirmə
Rusiya və Ukrayna arasında körpülər uğrunda qarşılıqlı zərbələr olub.
Crossmedia.az xəbər verir ki, bu barədə "The Economist nəşri məlumat yayıb.
Rusiya və Ukrayna strateji əhəmiyyətli körpülərə qarşılıqlı zərbələr endirib. “The Economist” nəşrinin qiymətləndirməsinə görə, Kiyevdəki körpülərə dəyən zərər Ukrayna üçün Krım körpüsünün Rusiya üçün yaratdığı itkidən daha ciddi nəticələrə səbəb ola bilər.
Məlumata görə, Ukrayna qüvvələri Kerç körpüsünə zərbə endirib, həmçinin Krıma gedən daha bir mühüm təchizat yolunun fəaliyyətini məhdudlaşdırıb. Əməliyyatın raket və pilotsuz uçuş aparatlarından istifadə edilməklə, əvvəlcədən diqqətlə planlaşdırıldığı bildirilir.
Buna cavab olaraq Rusiya Kiyevdəki iki körpüyə yeddi ballistik raketlə zərbə endirib. Nəticədə körpülərin qismən dağıldığı, avtomobil və metro nəqliyyatında hərəkətin pozulduğu qeyd olunur.
Nəşr yazır ki, Kiyev F-16 qırıcıları, dronları zərərsizləşdirən xüsusi vasitələr və yeni radioelektron mübarizə sistemləri sayəsində Rusiya PUA-larına qarşı müdafiəsini gücləndirib. Lakin ballistik raketlərə qarşı müdafiə imkanları hava hücumundan müdafiə raketlərinin çatışmazlığı səbəbindən məhdud olaraq qalır.
Ukrayna Hərbi Dəniz Qüvvələrinin nümayəndəsinin qiymətləndirməsinə görə, Krım körpüsünün bərpası yaz fəslinədək mümkün olmayacaq.
“The Economist” isə diqqəti Kiyevdəki körpülərin vəziyyətinə yönəldərək, əsas sualın həmin müddət ərzində şəhərdəki hansı körpülərin istifadəyə yararlı qalacağı olduğunu vurğulayır.
23:27 18.11.2026
Oxunuş sayı: 51