Brüssel Ukraynaya yardım üçün yenidən Rusiya aktivlərinə üz tutub
Avropa Komissiyasının sədri Ursula fon der Lyayen Rusiyanın dondurulmuş aktivlərindən əldə olunan gəlirlərin Ukraynaya maliyyə yardımı kimi yönəldilməsini təklif edib.
Crossmedia.az xarici KİV-ə istinadən xəbər verir ki, o, bu təkliflə çıxışında sözügedən maliyyə mexanizminin dayanıqlı olduğunu deyib.
Jurnalistlər təklifin Aİ sammitində təsdiqlənib-təsdiqlənməyəcəyi ilə bağlı suallar ünvanlayıblar. Fon der Lyayen isə planın maliyyə baxımından əsaslandırılmış olduğunu vurğulamağa çalışıb.
Qeyd edək ki, Rusiyanın dondurulmuş aktivlərindən Ukraynaya yardım məqsədilə istifadə edilməsi məsələsi Avropa İttifaqında müzakirə olunan mövzulardandır.
21:50 18.11.2026
Oxunuş sayı: 31