Süni intellekt dövründə insanlar nədən narahatdır? İlin sözü bəlli oldu
2026-cı ilin sözü müəyyənləşib. Kembric lüğəti süni intellektin sürətlə inkişaf etdiyi bir dövrdə “Human” (İnsan) sözünü ilin sözü elan edib.
Crossmedia.az xəbər verir ki, bu barədə “Euronews” nəşri məlumat yayıb.
Nəşrin yazdığına görə, seçim süni intellektin gündəlik həyata təsiri, insan kimliyi, yaradıcılıq və texnologiyadan asılılıqla bağlı artan müzakirələri əks etdirir.
Kembric lüğətinin leksikoqrafı Kolin Makintoş bildirib ki, süni intellekt insanların insan olmaq anlayışına münasibətini dəyişir. İnsanların düşünmə prosesini texnologiyaya həvalə etməsi onların nələri itirə biləcəyi ilə bağlı narahatlıqları artırır.
Lüğətdə “Human” sözü tanrılardan, heyvanlardan və maşınlardan fərqli olaraq insanlara xas xüsusiyyətlərə, qüsurlara və hisslərə malik olmaq kimi izah edilir.
Qeyd edək ki, 2026-cı ilin sözü üçün “Agent” və “Analogue” sözləri də namizədlər arasında olub. “Agent” müstəqil qərarlar qəbul edə bilən süni intellekt sistemlərini, “Analogue” isə rəqəmsal texnologiyalardan kənar təcrübələri ifadə edir.
19:33 18.11.2026
Oxunuş sayı: 40