İsrail və ABŞ hərbi rəhbərliyi İrana qarşı əməliyyatların bərpasını müzakirə edir
İsrail və ABŞ-ın yüksək rütbəli hərbi rəsmiləri İrana qarşı hərbi əməliyyatların yenidən başlanması ehtimalını müzakirə etmək üçün görüş keçirirlər.
Crossmedia.az xəbər verir ki, İsrail mətbuatı bu barədə məlumat yayıb.
Bildirilib ki, İsrail Müdafiə Qüvvələrinin Baş Qərargah rəisi Eyal Zamir ABŞ Mərkəzi Komandanlığının (CENTCOM) rəhbəri, admiral Bred Kuperlə Təl-Əvivdəki Kiriya hərbi qərargahında görüşüb.
Görüşün əsas müzakirə mövzularından biri İrana qarşı hərbi əməliyyatların mümkün bərpası və regiondakı təhlükəsizlik vəziyyətidir.
Məlumata görə, tərəflər Yaxın Şərqdəki son hadisələri, potensial hərbi təhdidləri və iki ölkə arasında hərbi koordinasiyanın gücləndirilməsi məsələlərini nəzərdən keçirirlər.
Görüş İsrail və İran arasında gərginliyin davam etdiyi bir dövrdə baş tutur.
Hərbi əməliyyatların yenidən başlanması ilə bağlı hər hansı yekun qərarın qəbul edildiyi barədə məlumat yoxdur.
17:37 18.11.2026
Oxunuş sayı: 43