Ərdoğandan İsrailə qarşı çağırış: Təzyiqləri artırmalıyıq
Türkiyə Prezidenti Rəcəb Tayyib Ərdoğan İslam dünyasını İsrailə qarşı təzyiqləri artırmağa və Qəzzaya humanitar yardımları gücləndirməyə çağırıb.
Crossmedia.az bu barədə Türkiyə mediasına istinadən xəbər verir.
Ərdoğan hesab edir ki, İslam ölkələri mövcud vəziyyətlə bağlı öz fəaliyyətlərini də ciddi şəkildə qiymətləndirməlidirlər.
"Düşünürəm ki, İslam dünyasının da ciddi özünütənqidə ehtiyacı var. Yalnız başqalarına güvənmək əvəzinə, biz müsəlmanlar özümüz hərəkətə keçməli və İsrailə daha güclü təzyiq göstərilməsini təmin etməliyik", – deyə o vurğulayıb.
Türkiyə Prezidenti Qəzzada humanitar vəziyyətə də diqqət çəkərək qış ayları yaxınlaşdıqca əhaliyə yardımın artırılmasının vacibliyini qeyd edib.
"İslam dünyası olaraq, qış şəraiti daha da ağırlaşmamış Qəzzaya daha çox humanitar yardım çatdırmaq üçün səylərimizi artırmalıyıq", – deyə Ərdoğan bildirib.
15:22 18.11.2026
Oxunuş sayı: 80