Qrossi Zaporojye AES-ə hücumlarla bağlı AEBA-nin mövqeyini açıqladı
Beynəlxalq Atom Enerjisi Agentliyi (AEBA) texniki mandatına görə Zaporojye Atom Elektrik Stansiyasına (AES) hücumlara görə münaqişə tərəflərindən birini məsul tuta bilməz.
Crossmedia.az xəbər verir ki, bu barədə AEBA-nin baş direktoru Rafael Qrossi Vyanada təşkilatın mənzil-qərargahında keçirilən mətbuat konfransında bildirib.
Onun sözlərinə görə, agentlik siyasi təhlillər aparan qurum deyil və hər hansı hadisə ilə bağlı mövqe bildirmək üçün həmin halları müstəqil şəkildə yoxlamaq imkanına malik olmalıdır.
Qrossi qeyd edib ki, AEBA-nin əsas vəzifəsi texniki insidentlər və hücumlar barədə, hətta bəzi hallarda onları yoxlamaq mümkün olmadıqda belə, dünya ictimaiyyətini operativ məlumatlandırmaqdır.
Qeyd edək ki, noyabrın 15-də Rusiyanın Vyanadakı BMT yanında daimi nümayəndəsi Mixail Ulyanov Qrossinin Ukraynanın Zaporojye AES-ə hücumlarının yolverilməzliyi ilə bağlı daha sərt açıqlamalar verməli olduğunu bildirmişdi.
19:13 18.11.2026
Oxunuş sayı: 29