Neft ölkəsi benzin idxalına möhtac qaldı: Rusiyada vəziyyət dəyişir
Rusiya uzun illər neft məhsullarının əsas ixracatçılarından biri olsa da, indi daxili bazarın tələbatını ödəmək üçün xaricdən benzin almağa məcbur qalıb.
Crossmedia.az xəbər verir ki, bu barədə “Financial Times” nəşri məlumat yayıb.
Nəşrin Kpler şirkətinin məlumatlarına istinadən yazdığına görə, oktyabr ayında Rusiyaya dəniz yolu ilə 390 min ton benzin idxal edilib. Bu, indiyədək qeydə alınan ən yüksək göstəricidir.
Məlumata əsasən, hazırda Rusiyada benzinin əlçatanlığı ilə bağlı vəziyyət əsasən nəzarət altındadır. Lakin Ukraynanın davam edən zərbələri səbəbindən vəziyyətin qısa müddətdə pisləşə biləcəyi ehtimal olunur.
Rusiya üzrə Karnegi Avrasiya Mərkəzinin baş elmi əməkdaşı Sergey Vakulenko “Financial Times”a açıqlamasında bildirib ki, Ukrayna bir neçə ay ərzində hər iki-üç həftədən bir eyni miqyasda və intensivlikdə zərbələr endirə bilsə, bu, Rusiya iqtisadiyyatının fəaliyyətinə köklü şəkildə təsir göstərə bilər.
Beləliklə, dünyanın əsas neft məhsulları ixracatçılarından biri hesab edilən Rusiyanın daxili yanacaq bazarında idxaldan asılılığının artması diqqət çəkir.
18:42 18.11.2026
Oxunuş sayı: 31