Portuqaliya Ukraynaya F-16 qırıcılarını verməkdən imtina etdi
Portuqaliya Ukraynaya F-16 qırıcı təyyarələrini təhvil verməyəcək. Lissabon bu təyyarələrin ölkənin hava məkanının və dəniz ərazilərinin müdafiəsi üçün vacib olduğunu bildirib.
Crossmedia.az xəbər verir ki, bunu Portuqaliyanın xarici işlər naziri Paulu Ranjel Ukraynanın xarici işlər naziri Andrey Sibiqa ilə birgə mətbuat konfransında deyib.
Nazir bildirib ki, F-16 təyyarələrinin Ukraynaya verilməsi mümkün deyil. Bununla belə, Portuqaliya Ukrayna pilotlarının hazırlanması və qırıcılar üçün döyüş sursatlarının tədarükü sahəsində əməkdaşlığı nəzərdən keçirə bilər.
Ranjelin sözlərinə görə, Portuqaliya hərbçiləri daha əvvəl də ukraynalı pilotlara F-16 təyyarələrindən istifadə üzrə təlimlər keçiriblər.
O əlavə edib ki, mümkün əməkdaşlıq məsələsi ölkənin Müdafiə Nazirliyi ilə müzakirə olunacaq.
21:28 18.11.2026
Oxunuş sayı: 36