Hakerlər “Nvidia”ya 10 gün vaxt verdi: Məlumatlar yayıla bilər
“The Gentlemen” adlı haker qrupu ABŞ-nin texnologiya nəhəngi “Nvidia” şirkətini hədəfə aldığını və oğurlandığı iddia edilən məlumatları 10 gün ərzində yayımlayacağını açıqlayıb.
Crossmedia.az xəbər verir ki, bu barədə “Cybernews” nəşri məlumat yayıb.
Bildirilib ki, hakerlər şirkəti qurbanlarının siyahısına daxil edib və məlumatların dərc olunmasına qədər geri sayım başladıb. Qrupun tələbi yerinə yetirilməyəcəyi təqdirdə əldə etdiyi iddia olunan məlumatları ictimaiyyətə açıqlayacağı deyib.
Lakin hakerlər indiyədək kiberhücumun baş verdiyini təsdiqləyən hər hansı sübut təqdim etməyiblər. “Nvidia” şirkəti də sistemlərinin sındırılması ilə bağlı məlumatı rəsmən təsdiqləməyib.
Kibertəhlükəsizlik araşdırmaçılarının məlumatına görə, “The Gentlemen” qrupunun Rusiyadan idarə olunduğu ehtimal edilir.
Qeyd edək ki, hadisə ilə bağlı iddiaların həqiqiliyi hələ təsdiqlənməyib.
22:40 18.11.2026
Oxunuş sayı: 31